საქართველოს განათლებისა და მეცნიერების მინისტრმა დიმიტრი შაშკინმა, საგანმანათლებლო და სამეცნიერო ინფრასტრუქტურის განვითარების სააგენტოს დირექტორმა ირაკლი თოდუამ და ქვემო ქართლის გუბერნატორმა დავით კირკიტაძემ რუსთავის საჯარო სკოლებში მიმდინარე სარეაბილიტაციო სამუშაოები მოინახულეს. რუსთავში 26 საჯარო სკოლაა, ოცდაექვსივე საჯარო სკოლას ახალი სასწავლო წლისთვის რეაბილიტაცია უტარდება.

დუშეთის რაოინის სოფელ მლეთაში ახალი საჯარო სკოლის მშენებლობა საქართველოს განათლებისა და მეცნიერების მინისტრის პირველმა მოადგილემ კოკა სეფერთელაძემ და საგანმანათლებლო და სამეცნიერო ინფრასტუქტურის განვითარების სააგენტოს ხელმძღვანელმა ირაკლი თოდუამ ადგილზე მოინახულეს.
სოფელ მლეთაში სკოლის მშენებლობა ივნისის თვეში დაიწყო, სკოლა ექსპლუატაციაში 31 აგვისტოს შევა.

საქართველოს განათლებისა და მეცნიერების მინისტრის  მოადგილემ ნოდარ სურგულაძემ და საგანმანათლებლო და სამეცნიერო ინფრასტრუქტურის განვითარების სააგენტოს დირექტორმა ირაკლი თოდუამ 45-ე საჯარო სკოლაში ახლად გაკეთებული სპორტული დარბაზი დაათვალიერეს.

განათლებისა და მეცნიერების მინისტრის პირველმა მოადგილემ აკაკი სეფერთელაძემ და საგანმანათლებლო და სამეცნიერო ინფრასტრუქტურის განვითარების  სააგენტოს დირექტორმა ირაკლი თოდუამ პირველ ექსპერიმენტალურ სკოლაში მიმდინარე სამშენებლო სამუშაოები დაათვალიერეს.